السلام عليكم …
تسيف الحال ؟
تعرفون .. في فترة الحج .. وخصوصا الي يشتغل في حملات وينظغط .. ،
وقليل وقت نومه بأخر الأيام .. ، وإن نام كل حلومه .. عن الحجاج .. ولا حاج يجيك غثه ولا يلقى له سكن وتبلش ذذ << تراه ما حلم به .. أبد ،
انا السنه هذي مسكت برنامج جديد أول مره يطبق وصايرن ظغط علي شوي :/
البرنامج مميزاته حلوه ويسهل عليك .. لكن المشكله مدراء المكاتب
ما أقتنعوا بالبرنامج أبد .. ويرون إنه فاشل والطريقة الي متخذينها من 17 سنه ..
[ اليدويه ]
هي أنسب وأفضل ،
وصايرين بالمكاتب حزبين 
حزب اليدوي ويمثل مدراء المكاتب والموظفين
حزب التقني ويمثلني ويمثل أصحاب الحلال
طبعا اصحاب الحلال مهوب علشان ميزاته علشان ما يتخسرون :p
وكلن يحاول يطلع عيوب الثاني ،
الحمد لله اثبت البرنامج نجاحه وتميزه بعدة جوانب ..
1- اسرع في الوصول للمعلومه
2- بظغطة زر يسكن لك جميع الحجاج لكن يجب عليك توقف التسجيل أو تسكنهم يدوي :/
3-طباعة الكشوف وارسال للتصاريح باوقات وجيزه ،
طبعا الحزب اليدوي عرف العيب إن تسكين الحجاج لزم يوقف التسجيل وصارت حجه قويه معهم ..
فإضطررت إني أسكنهم يدوي ولا يحكم على البرنامج بالفشل ونخسر 20 ألف على البرنامج
ولكن الحمد لله تجاوزت وحدي المشكله هذي .. وكل الحجاج الأن محدده خيامهم .. والحافلات ،
والحمد لله اولا واخيرا ..
لو تشوفونن كيف اشتغل بس ..
على 3 اجهزه مكتبيه .. و2 لاب توب ومنا اعدل ومنا اطبع ومنا اضيف ،
الأن لي 3 ايام مانمت إلا 7 ساعات من ضغظ العمل .. ،
بكرى إن شاء الله الصباح اتجه للمكه .. ويبدأ الإختبار الحقيقي
هل ينجح البرنامج على أرض الواقع أم يفشل ؟
وكل تخيلاتي وتفكيري انتظر يجي يوم 7 ويوصلون الحجاج وكلهم مسكنين ..
حقيقة منيب مرتاح إلا اذا جاء يوم 9 و وصل الحجاج إلى عرفه ولا فيه أي مشاكل .. اكون مرتاح ،
بعد 30 يوم دوام اخر عشر أيام يقل النوم فيها ..
دعواتكم يا أحبه .. اجتاز الإختبار وانجح فيه ضد حزب اليدوي :d
قبل أن أختم التدوينه .. دوكم هذي الصورة
من البرنامج البطاقات المساند للبرنامج الرئيسي
طبعا يا شباب تشوفون الرجال هذا السيد احتشام الحق
هذا حاج معنا بـ 200 ألف ريال وزوجته 200 ألف ريال .. والمرافق 10 الاف ريال ،
يعني ما يلعب هذا المستر :d
ولا تنسونا من دعواتكم ويسرع ربي يجي يوم 7 وانجح بالإختبار الصعب
ادوع كل من له في قلبي معزه وتقدير ،
وإن شاء الله يتقبل الله حجنا وتعبنا ،
عبدالعزيز
